جميل جدا

ابتكارات جميلة

موفق دايما 🤍

حلو اوي

السلام عليكم ورحمة الله وبركاته
طالبة طب سنة أولى
حابة أشارككم تجربتي مع كورس المذاكرة
قبل الكورس كنت أعاني من مشكلة عدم انتظام مواعيد النوم والاستيقاظ زائداً مشكلة تلخيص و إنهاء الشيت في وقت مناسب
بفضل الله تبارك وتعالى إلتحقت بكورس أسرار المذاكرة و تعلمت
المواظبة على النوم المبكر والاستيقاظ المبكر
استقلال ساعات الصباح الأولى في المذاكرة
عدم حمل الهاتف أول وآخر ساعتين من اليوم و أثناء المذاكرة
تعلمت طرق مفيدة عن كيفية مذاكرة الشيت و تلخيصه
تعلمت كيفية التخطيط لليوم و الأسبوع والشهر والسنة
تعلمت كيفية القراءة من المراجع
تعلمت كيف أحل مشكلة اللغة
كيفية الاستعداد للامتحان
تعرفت على الشهادات التي يتعيّن علي نزلها خلال فترة الدراسة.
بالإضافة إلى المهارات التي يتوجب علي تعلمها والتي دلّنا عليها الدكتور من خلال الكورس
وغيرها الكثير الكثير من الطرق التي تساعدك على الارتقاء في سلم النجاح و التفوق ليس فقط أكاديمياً بل ثقافياً وفكرياً بالإضافة للحماس الذي ستكتسبه ..

السلام عليكم ورحمة الله وبركاتةة🤍🔥

في البدايةةة بشكرر دكتورر عمر جداً علي الحاجات القدمها لينا وخلي عندنا دافع في انو م نيأس ونستمرر وم نوقف ابداا 🤍🔥 ف انا كفاطمة مبسوطه شديدد في انو انا دخلت الكورس دا وغيرت حياتي جداً ، لانو بسم الله ماشاء الله م قصرتت معانااا ابداا ربنا بحفظك ويوفقك 🤍🔥 وختيتك كقدوة لي وان شاء الله احاول في يوم من الايام ابقاا زيك🥹🔥🔥.

المهم انا دخلت الكورس دا كنتا ضايعة حرفياا زمني م مرتب معارفة ابدا من وين ولا اعمل شنو واقرا كيف ومن وين واقدر الحق في وقت قصير وكدا لانو كنا حننزل امتحان وكدا ، والحمد لله بفضل ربنا ثم دكتور عمر قدرتا اني احافظ علي عادة الصحيان بدري وعملت جدول تتبع العادة وقدرت التزم بيهو واني ابعد من التلفون اول واخر ساعتين من يومي واني اذاكر ساعتين واكترر من غير ملل وبي استمتاع كمان ولقيت عندي زمن كتيرر قدرتاا اكتشف الحاجات التانية الغير القراية وابدع فيها برضو واحاول اطور واجتهد علي نفسي ، واهم من ديل كلهم اني اقرا سورة البقرة كلل يوم لانو بالجد يجماعة فيها بركة عجيبة بتقدر تنجزز كلل مهامك مهما كانت صعبة حقيقي 🤍، ف اسي اناا الحمد لله مبسوطة من نفسيي شددديد انو قدرت اخلص كل القراية العلي زي الترتيب وبدون قلق وتوتر واني حالياا جاهزة الامتحان الحمد لله 🤍( دعواتكم لي ممتحنةة الاسبوع الجاي ان شاء الله)🤍🤍🔥
فحقيقي بنصح اي زول بي كورس دكتورر عمرر دا لانو فرصة لا تعوض ابدااا 🤍🔥🔥🔥

وختاماً برضوو ح اشكرر دكتورر عمرر شديددد شديددد علي العملو معاناا وم قصررر ابداا ربناا يحفظوو ويوفقو فحياتو وينجزز اكتر واكترر 🤍🔥🔥🔥🔥.

حياتي إتغيرت ١٨٠ درجه بعد الكورس .. إكتشفت إنو انا زمان كنت بغش في نفسي كنت بذاكر ساعات كتييييييره وبقعد في الشيت أيام وبحفظ الكلمات الإنجليزيه وبترجم بي الجمله وبكتب الشيت بعد م أحفظو لكن من دكتور عمر عرفت إنو نمطي كلو كان خاطيء ..
عرفت كيف أنظم وقتي وأخطط لي يوم ولي شهر ولي سنه ويومي يكون مرتب ومليان إنجاز .. قبل أدخل الكورس يومي كان بضيع وم بعرفو بضيع وين لكن الحمدلله بعد الكورس يومي بقى كافيء لي كل إنجازاتي بل بقدر امارس فيهو هوايات تانيه ..
انا كنت بشوف زملائي بمشو المكتبه وبقرو من المراجع وحتى في القاعه بشوف كل واحد ماسك ليهو مرجع والله العظيم كنت بخاف شدييييد من المرجع وم بعاين فيهو مرتين وم عارفه بقرو منو كيف وحتى أسلوب القرايه كيف انا م عارفه كنت تايهه حد م لقيت نفسي في كورس المذاكره والتفوق الدراسي ..
كورس فريد من نوعو م محتاجين تمشو تفتشو يوتيوب ولا غيرو عن طريقه المذاكره بس أدخلو الكورس وح تلقو كل البتبحثو عنو في طرق المذاكره ..
الله يديك الصحه والعافيه دكتور عمر ويحفظك ويعينك ويجعلك سند ومعين لكل الطلاب الضايعين وم عارفين يقرو كيف ويقرو من وين ..
أي زول دخل الكورس ده محظوظ شدييييد والله والحمدلله إني دخلت الكورس وده من كرم ربنا عليّ الحمدلله
#_ حقيقه أي زول م دخل الكورس ده فاتو كتيييييير والله
#_ وده كلام عن تجربه ..
كورس لا يُفوت والله العظيم
وفي الختام في ميزان حسناتك دكتور عمر وتسلم كتيييييير وم قصرت والله يخليك لينا دكتور عمر ❤️❤️❤️❤️❤️❤️❤️

أنا بنصح أي طالب م قادر يلتزم بالمذاكرة أو العادات الحسنة😢 إنو يدخل كورس🔥 أسرار المذاكرة🔥 ح يتغير تغير توتلي و ح يلقى فرق شاسع بين قبل😔 الكورس و بعدو🤩 ح يطلع شخص تاني لا وكمان يرتقي من طالب لي طالب مثقف عالم بمهارات المذاكرة بالإضافة للمهارات ال ح يكتسبها في المجالات التانية اللي نصحنا الدكتور بتعلمها و ح يقدر يلقى زمن يمارس فيه هواياته و م ح يكون أكاديمي صرف..
بالإضافة للحماس ال ح يكتسبو😆
و ح يعرف إنو كل هدف يطمح إليه سيتحقق بالتوكل على الله تبارك وتعالى ثم السعي في تحقيقه 🤍

السلام عليكم ورحمة الله وبركاته
طالبة طب سمستر ون
إذا جيت اتكلم عن أنا كنت كيف قبل الكورس كان حالتي صعبة يعني بنوم ١٢:٣٠ عشان أقول بالليل هادي أقرأ فيهو وفي النهاية أقرأ نص ساعة بالكتير و بصحى ١٠ ولا ١١ ألقى اليوم خلاص انتهى فترة الصباح كلها فاتتني لكن من خلال كورس المذاكرة اتعلمت أصحى بدري و أستقبل فترة الصباح في المذاكرة و الحمد لله حددت الساعتين و بقيت أحاول إلتزم بيهم وبتابعهم بالجدول بتاع الشهرين .
الحاجة التانية أنا قرايتي تقيلة يعني إلا أحفظ الكلام زي ما هو حتى إني كنت بقرا في شيت تيرم هو كلو ٩ صفحات أنا قعدت فيهو زمن طويل شدييد وكل مرة أكمل أقول لالا لسا ح أقرأه تاني لكن بعد دخلت الكورس خلصت الستة شيتات كلها في أيام بسيطة ..
اتعلمت أنوم بدري
اتعلمت م أشيل التلفون أول ساعتين من أصحى وم أشيلو أثناء جلسة المذاكرة
اتعلمت إني إذا اجتهدت و حاربت نفسي ح أنجز و أكتر مما اتخيل
اتعلمت كيف أخطط
اتعلمت حاجات مفيدة طبقت منها و لسا ح أطبق الباقيات إن شاء الله

عايزة اختم بي حاجة بسيطة بس مهمة جداً🤍

الصلاة🤍 ، وقرات سورة البقرة يوماً🤍
طبعا كلنا ك مسلمين بنصلي ولازم الصلاة في مواعيدها عشان يومك يكون صالح🤍
اما عن سورة البقرة ما اقدر اعدد ليكم فضائلها🤍 ، أنا الحمدلله من انا وفي سنة أولى ثانوي بقرى سورة البقرة يوماً ما بقول ليك بقراها في قعده وحدة ما اكذب انا مقسمها علي ٣ أجزاء في اليوم بس ي حبزا لو كان عندك وقت تقرأها كلها مرة وحدة🥹🤍، سورة البقرة فيها بكره ما عادية يعني انت يومك ده لو قريت سورة البقرة كاملة وصليت صلاوتك كاملة في مواعيدها + سورة يس مع الفجر و سورة الملك مع العشاء ، ح تنزل البركة في يومك ح تقدر تنجز فيهو اكبر انجاز وتعمل فيو اي حاجة من غير ما تحس بي محقة في يومك ، بس لو انت حاسس انوا يومك ده بمشي سرعة وممحوق وما أنجزت فيهو بقول ليك راجع صلاتك وعلاقتك مع ربنا وصدقوني ح تتغير حياتك ٦٠ درجة 🤍

السلام عليكم ورحمة الله وبركاته 🤍
انا ولاء الفاتح، طالبة طب بشري، سنة أولى، جامعة العلوم والتقانة 🤍

اولاً بشكر دكتور عمر جزيل الشكر علي المجهود الكبير ده ابداً ما قصرت معانا🤍 ، أنا دخلت الكورس قبل كم يوم وحضرته الأربعة دروس الأولى ولخصتها وطبقتها اهم حاجة وبجد استفدت جداً🤍 ، انا الحمدلله مواظبة علي دراستي ومتبعة اسلوب معين بس لما دخلت كورس التوفيق لقيت انوا معظمها غلط ، بس حاليا صلحت في اسلوبي كتير بي سبب الكورس الجميل ده 🤍
واخيرا بشكر دكتور عمر علي جزيل الشكر ، وربنا يقويك علي فعل الخير ، ويوفقك أن شاء الله وتحقق كل طموحاتك ، ويديك علي قدر نيتك الطيبة 🤍

السلام عليكم ورحمة الله وبركاته الشكر الجزيييل لي دكتور عمر وصراحة لو عايزه اعدد الفوائد الاستفدتها من الكورس ح اكتب كم صفحه بس اختصارا احب أقدم شكر لا متناهي للدكتور وبجد فكرته في مساعدتنا فكره رهييييبه وربنا يجزيك خير الجزاء وموفق ياااارب

السلام عليكم ورحمة الله تعالى وبركاته
حابة أحكي عن تجربتي عن كورس المذاكرة مع دكتور عمر والله بالجد كان كورس رهيب، ومحتواه مفيد وشيق جدا طبعا زي م كلنا عارفين المصادر كتيرة ومتوفرة لدرجة إنها تغلب الزول يقرأ من وين وكيف، ودا الشي الدكتور عمر علمنا ليه في الكورس دا والحاجة الأهم إنه هو أنه أطرق لجوانب مختلفة علاوة على الجانب الأهم طبعا الأكاديمي من الحاجات اللي ركز عليها الدكتور أنك أنت بتقضي يومك كيف المعنى يعني إنك حابي تقرا وتتفوق حتعمل الحاجة دي كيف لو أنت مثلا بتصحى الساعة 8 وبتنوم الساعة 12 وواحد غيرك مثلا بصحى 4 وبنوم بدري يعني 10 أو 11 وعارف كيف يقرأ ومن وين بالتأكيد حيكون في فرق بين الأتنين .
بالإضافة على أحداث اليوم المختلفة ف شنو دكتور عمر ركز لينا من أنك تبدا يومك كيف الصحيان والنوم المبكر، والحاجة العجيبة أنه حتى أكلك ومواعيدها طلعت بتأثر في المذاكرة ودي حاجة كانت فايتة على أغلبنا وما منتبهين ليها في الكورس دا أتعلمنا كيف نخطط ليومنا،أسبوعنا ،شهرنا سنتا م تستغرب الموضوع م صعب لو لو عرفت ترتب يومك حتقدر ترتب أسبوعك وشهرك وحتى سنتك، لأنها في الآخر كلها أيام
طيب من الحاجات الأتعلمناها في كورس المذاكرة والتفوف الدراسي إنه كيف نقرأ وكيف نقرأ وم أدرك ما الكيفية دي أتعلمنا كيف نقرأ من والشيت المرجع وحتى الفيديوهات البنشاهدها من اليوتيوب كيف نلخصها م كدا وبس حتى أتعلمنا الأساليب المختلفة البتنظم ليك قرآيتك من تلخصيص وغيره.
حتى موضوع الترجمة أخدناه بالتفصيل كيف نترجم وكيف الترجمة م تأخد مننا زمن وحتى أهتمينا بتطور لغتنا الإنجليزية ومن وين وكيف.
والحاجة الأهم الأتعلمناه في الكورس دا أهمية الأستمرارية الأستمرارية ثم الأستمراية، كما يقال أول السيل قطرة ،ومشوار الألف ميل ببدا بخطوه وكل ما نراه عظيما في الحياة بدأ بفكرة ،وكونك أنك تستمر وم توقف دي م حاجة ساهلة حتى اليوم أنا بتعتع في العادات الحسنة البديت أبنيها لكن م حأوقف حأواصل .
وفي حاجات كتيرة نحنا بنعملها بتأثر في مذاكرتنا ودي كتيرة جدا، وأتعلمنا كيف نتجنبها والحاجة الحلوة أنه الدكتور أطرق لينا لحاجات ممكن تعملها في سنين الجامعة وبعدها عشان تكون ناجح في مجالك.

بالجد يا دكتور خففت علينا عبء كبير كنا حاملنه، وأرشدتنا إلى الجهة الصحيحة جزاك الله خيراً جزاك الله جنة الفردوس الأعلى دكتور عمر والسلام عليكم ورحمة الله تعالى وبركاته.

نفسي انا كمان اشارك واغير حياتي واسلوب مزاكرتي لاني محتاجه للكورس جدا بس ظروفي ما بتسمح لي وربنا يسعلها لي وادخل واغير حياتي زيكم

جميل جدا

❤️❤️

ماشاء الله التعليقات رهيبة رهيبة عشرة مرات 😭😭❤️ حماس حماس اني ادخلو لانو حرفيااا محتاجة ليه شديدد

ربنا يوفقك ويسهل يارب

حقيقي محتاجه كورس ذي ذا

التعليقات 😭😭😭من زمان نفسي ادخلو بس الظروف 💔💔 محتاجة ليهو والله لانو كل يوم بعاني وبقعد ابكي ع نفسي 💔 لانو حرفيا انا ما كنت كدا زمان ما عارفة الحصل علي شنو اسة 💔

مشااءالله يخ ♥ محتاجة شديد انا لي حاجة زي دي والله

الحاجات الإستفدته منها في الكورس....

1️⃣ حيل المذاكرة (إكتشفته المذاكرة دي كلمة كبيرة شديد دايرة زول متقنها) يعني مثلا أنا واحدة من الناس كنت بحفظ بس وحتى لو ما فاهمة لكن بعد الكورس عرفته إنه ممكن أفهم وأربط المعلومة بي موقف وأسرح بخيالي و في حيل كتيرة غيرها

2️⃣ أستقل يومي صح وبالأخص بداية اليوم يعني أول اليوم قضيتوا في إنجاز كبير باقي اليوم ح يكون كله إنجازات والعكس صحيح لانو اليوم لو ضاع ما ح يتعوض تاني

3️⃣ عرفته في الكورس لو أنت طالب طب أو اي مجال تاني ما بالضرورة حياتك ووقتك يكون كله دراسة عشان تبقى متفوق لالا بالعكس ممكن تدخل وتقرأ عن مواهب خاصة بك او اي مجالات خارج نطاق الدراسة وتبقي متفوق في عدة مجالات بالإضافة للدراسة كمان

بالمختصر القراية دي ما الحاجة البتعيقك عن هواياتك وإهتماماتك الجانبية بس بالتخطيط الصحيح

4️⃣ إتعلمته التخطيط قصير وطويل المدى

5️⃣ إتعلمته أصبر على تطوير نفسي أو تحسين نفسي مثلا انت عاوز تجي أول الدفعة👩‍🎓 وتنال المكانة المرموقة دي بين زملائك لازم في المقابل تخطط لطرق توصلك للمكان ده ما ترقد وتسرح بخيالك وخلاص ويبقي هدف بدون فعل لازم تسعى والسعى يكون مستمر على مدى طويل بمجهود ثابت وده كله بتطلب صبر ومثابرة

4️⃣ إتعلمته أختار الزملاء الصح في الدراسة 😅ممكن تحسوا دي حاجة جانبية وتافهة شديد ومالها تأثير في الدراسة لكن بالعكس زملاء الدراسة لهم تأثير كبير على دراستك يعني لو انت زول بتقرأ في الجامعة وكل ما تجي تقرأ في الجامعة زملائك يقول لك اووووو عامل فيها حفار وبتاع أو القراية ملحوقة هسي أرح نتونس وووووو... وما تنجز بسببهم

6️⃣إتعلمته عاداتك البتعملها في اليوم تأثيرها كبير على مستقبلك مثلا أنت عاوز تتفوق في دراستك وفي حياتك أكيد ما ح تنفذ اذا كل يوم بتمسك التلفون 4،5،6 ساعات ومن تيك توك الى فيسبوك الى واتساب الى انستغرام ومقضي اليوم طلعة ومرقة وحاجات فارغة

7️⃣إتعلمته طرق التلخيص الصحيحة والى الآن انا بحاول أحسن نفسي من الجانب ده

8️⃣إتعلمته تغيير بسيط بنسبة ١٪يوميا على مدى طويل كفيل بإجراء تغييرات أنت نفسك ما ح تصدقها ولا تتخيلها

9️⃣إكتشفته إنه الكورس ده يستحق كل طالب يدخله ورسومه بسيطة مقابل الفائدة الناتجة منه وياريت لو الطالب يطبق اول بأول وحبة حبة يصل لهدفه

😅بعتذر على الإطالة لكن حقيقة الحاجات لازم كان أقولها وأنا شخصيا شايفة مفروض الكورس يكون إسمه التفوق الحياتي ما الدراسي

وكل الشكر والتقدير من بعد الله تعالى لدكتور عمر على النصائح الدرر البقدمها لنا عبر كورسات

استفدت جداا وسهلت علي كتيير في قرايتي
كنت قبل ادرس واحفظ المصطلحات ضايعه شديد وماقادره اقرا بتركيز وبنسى بس اسي الحمدلله بقرا بتركيز عالي جدا جزاك الله خير الجزاء ♥️ يادكتور ماقصرت جد🤍

الكورس فرق معاي جداً من نواحي كتيرة.. اولها اكيد تنظيم وقت نومي والصحيان.. ودي كانت افضل خطوة اتخذتها
وقدرت اتخلص من معظم تطبيقات السوشيال ميديا (فيس-تيكتوك-انستا) ومسحتهم وبقوا ما فارقين معاي
دي بس حاجة بسيطة شديد مقابل الفايدة الاستفدتها فعلاً وحقيقةً في الواقع.. بس كلامي ما حيوصل الحاجة دي بل وربما يقلل من قيمته.
فجزاك الله عنا كل خير

انا ماقادرة ادفع حق الكورس بسس بودي ادخل فيهوو

انا ما بقدر ادفع وعايزة ادخل في الكورس ممكن

نفسي ادخل الكورس بس الظروف صعبه

جزاكم الله خيرا والله حياتي اتغيرت عديل بعد اشتركت في كورس التفوق الدراسي واي معلومة قالها دكتور عمر بتتردد ف راسي حتى وانا م قاعدة ف جلسة المذاكرة 🫶🏻♥️ بقيت احس بسهولة الدراسة ومتعتها والله رسوم الكورس قليلة مع نسبة التسهيل وشرح الطرق المثالية للمذاكرة ربنا يعظم اجره ويديه الصحه والعافيه♥️

الكورس ح يبدأ متين؟

عايزه اشارك كيف؟

نفسي ادخل معاكم لكن ظروفي صعبه 😭

انا برضو نفسي اخش الكورس معاكم ومحتاج ليه بي شدة

حلو جميل ❤️❤️

جمیل

السلام عليكم ورحمة الله وبركاته
اولا حابه اشكر دكتور عمر وكل التيم العامل في مؤسسة فكره الطبيه 🥰 لانو بيقومو بمجهود كبير علشانا 🥹
بالجد كورساتهم حلواااا شديد وفيها تقريبا كل مايحتاجه كل طالب مقبل علي الجامعه او في الجامعه .
ومن اجمل الكورسات هو كورس التفوق الدراسي 🤤 لانو
اولا مافيهو حفظ 😂
وثانيا لانو هو الأساس لانو بوريك كيف تتخلي عن العادات السيئه وكيف تبني عادات كويسه، وكيف تنظم وقتك،وكيف تقرااا من الشيت و المرجع ، وكيف تلخص، وحتي بوريك كيف تعمل بزنس 😍طبيعي مهما كان الشخص وضعو المادي بيحب يكون عندو دخل ولو بسيط يقدر علي الاقل يدخل بيه كورسات وغيرو، فدكتور عمر بوريك امثله لحاجات ممكن تطلع منها دخل، والاحلاااا من كدااا انك بتكون منظم وقتك فبتقدر غير انك تقراااا، ممكن تشتغل ، تمارس هوياتك، تعمل رياضه وغيروااا...
وكمان ارجع لموضوع التلخيص لانو مهم شديد لانو انت مش بتقراا وبتلخص للامتحان وبس لا بعد ماتتخرج برضو بتحتاج لكل الدرستو في الجامعه والحاجه الحلوه دكتور عمر بوريك كيف تختصر المنهج او الماده كلها في صفحه بتقدر😍فلما تحتاج ليها في السنوات الاخيره من الجامعه او بعد التخرج مابتحتاج انو او مابتقدر ترجع وتقرااا الماده كلها فلما تكون ملخص الماده كلها في صفحه بتقدر ترجع ليها بكل سهوله لانو بتكون ملخص بس الحاجات المهمه 🤤وكمان بوريك حاجات بتتعمل بعد التخرج ممكن تعملها قبل تتخرج وتوفر عليك تعب بعدين، وحاجات كتيره يمكن تكون أول مره تعرفها 🥲ويمكن شخص يقول او انا كان في ناس بتقول لي انو في كورسات برضو مفيده ومجان كمان، هو يمكن في حاجات زي كدااا ويمكن تكون مفيده ، بس مستحيل تكون كلها في مكان واحد وتكون مرتبه ومنظمه ذي الكورسات دي، + في ناس كتيره بتتكلم في المواضيع دي وكل زول بيقول حاجه برااا وانت بضيع ومابتعرف تسمع من دااا ولا داا 😖وانا جربت الحاجه دي 😫
وكمان موضوع العادات السيئه كيف تتخلص منها وكيف تبني عادات كويسه، بوريك انو الكلام دااا مابيجي بين يوم وليله لازم بعد فتره شويه شويه الي ان تتعود ، عكس الناس البتقول ليك ممكن تتعود خلال فتره ومابيحصل الكلام دااا وبتحس باحباط وان مابتقدر 😥 وكمان اطرق لمواضيع مهمه شديد ذي بعض العادات السيئه وكيف تتخلص منها وان شاءالله يارب في ميزان حسناتو 🤲🏻
فممكن اقول انو الكورس دااا بينفع لكل شخص يعني للشخص المشتتت وماعارف يقرااا كيف ومن وين 😢والشخص العندو مشكله مع الانجلش، وكمان للشخص البقراا كويس وحاسس انو منظم وقتو لانو حيلاقي انو في حاجات كتيره بعملها غلط وفي حاجات كتيره فايته عليه، يعني كل شخص ممكن يستفيد منو 🙃
وكمان كورس المصطلحات الطبيه حلوااا شديد ، بوريك شنو مصطح طبي وجاي من يوم ، وبيقسم ليك المصطلح بصوره حلوااا ومبسوطه فبتقدر تفهمو وتحفظو والكلام يطول فيه وان شاءالله لما تدخلو حتعرفو اكتر واكتر ...
واسفه على الاطاله 🫥 بس كان لازم ازكر المواضيع دي لانو انا اتشجعت واتحفزت اني ادخل الكورسات من التعليقات الكنت بشوفها من الناس الدخلت وواستفادت والحمد لله دخلت واستفت 🥹🥰
واخيرا حابه اشكر الشخص الاضافني في القروب لانو بالجد استفت شديد 🥰 وكمان كل تيم فكره الطبيه وجزاهم الله عنا خير الجزاء 🤲🏻

السلام عليكم ورحمة الله وبركاته 🌸
يخوانا انا حرفيا ما عارفة أبدأ من وين ولا من وين انا حرفيا من بعد الكورس لقيت اني كنت مامرتبة بالرغم من محاولاتي الكتيرة اللي كانت بتبوء بالفشل وفي الاخر عرفت اني كنت بحاول بطريقة غلط وروتين غلط وزيادة عن كدا بالرغم من أهدافي الكبيرة والكنت فاكرة اني بيها حاكون وصلت طلعت ماعندي أهداف ذكية ومستنيرة الكورس زي المراية بوريك نفسك ومشاكلك وكمان حلول واضحة وسهلة في التطبيق مابس في الدراسة لكن في كل نواحي الحياة بالجد شكرا دكتور عمر على المجهود وعلى التجربة الاتمنينا انها ماتخلص حرفيا الكورس سحري 🤍🌸

كلامكم حلو شديد
انا اكتر حاجه فرقت معاي موضوع الجلسات والفواصل الحاجه دي كانت فايتاني بعد م بقيت اعمل كدا حسيت انو الممل قل وبعد كل فاصل عشان ارجع اكمل بتذكر كيف ح افرح لما معدلي السمستر دا ح يبقى عالي وارجع بحماس ومركزه اكتر تدريجيا الزول بيتعود حبه حبه ح يصل
وبقيت اسأل نفسي قبل م اعمل اي حاجه انا ح اعمل كدا لشنو واجاوب علي السؤال

كان في بالي زمان اخطط لحاجات كتير بس م عرفت اول مره اعرف ح اخطط كيف
بالجد احلا حاجه انو الزول يكون حياتو منظمه بحس بانو في وقت لي اي حاجه بعد م كنت بحس انو ٢٤ ساعه في اليوم شويه
اخر حاجه الليله ح اطبق نظام القرايه الجديد لانو بالجد الترجمه و حفظ الكلمات الجديده قاعد ياخد مني وقت طويل امكن كانت اكبر مشاكي
وشكراً ليك دكتور عمر
وبالتوفيق للجميع ❤️

مبدئياً جزااك الله خير يا دكتوور ♡

انا شخصياً زماان كنت عايزه اليوم كلو اكون بقرا ومن غير فاصل غير الحاجات الروتينه( صلاة _نوم_ اكل) وبشوف المفروض ما آخد استراحه الا للحاجات دي ولقيت نفسي بعد فتره بسيييطه جداً زهجانه وما عايزه اقرا فوقفت قرايه لمده ٢٠ يوم 💔
الكورس جا فوقتو والحمد لله بعدو بقيت اقرا واتحمسست شديد للقرايه وعرفت كيف اسيطر على الزمن لانو زمان كان ضااايع حرفياً ،وكنت بخطط بس تخطيط فاشل وما بفصل بين جلسات المذاكره اسي بقيت اخطط وافصل وانظم وقتي وكلو فالسليم واليوم بعدي وانا منجزه ما حاجه وحده بل حااجات.

مره تانيه تسلم كتير يا دكتور على الفررصه دي وربنا يجااازيك كل خيرر دنيا وآخره .

انا وحده من الناس قبل الكورس م كان عندي أهداف م بعرف حاجه اسمها تخطيط ولا تنظيم وقت ، حياتي كانت جايطه جدا وبحس بإنو م عندي وقت لي اي شي (يومي كلو تلفون ونوم واكل بس ) ،
لكن بعد الكورس والحاله دي لسا م خلص ، بقيت فاهمه الدنيا دي ماشه كيف
وقتي بقى منظم ، عارفه نفسي انا قاعده اعمل في شنو و عاوزه اصل لشنو و أهم حاجه بقى عندي أهداف وبقيت زوله تانيه خالص ونظرتي لي اي حاجه اتغيرت.

انا مبسوطة اني شفت الكورس دا قبل أتقدم في سنوات دراستي انا بسبب ظروف الحرب قريت أولى في شهرين الا اسبوع وهسي شغالة تانية مفروض نخلصها في شهرين وانا اصلا للان مافاهمة يعني شنو جامعة وبسبب الحرب حتى الكنت بعملو في الثانوي نسيتو

والسناير ااي واحد بيتوهني اكتر من التاني وحرفيا كنت عايشة فترة انطفاء انا منو والدخلني طب شنو

اول شئ انه الوقت عادي بيترتب وتقدر تنجز كمية من المهام خلال اليوم
التفوق شئ ساهل جدا وممكن شخص يكون متفوق ومبدع كمان
المذاكرة شئ ممتع وجميل وبحسسك بالراحة النفسية وكذلك الانجاز
العادات الصحية والايجابية بتريح الانسان وبتخليهو فعال كمان وبكون م عندك زمن للحاجات الفارغة وبتكون اكثر ايجابية
الظروف ليست عائق لتوقف عن الحلم لانو الحلم بسيط ومحتاج خطوات وبيتحقق عادي
الكورس دا خلاني انسى انه فكرة الحرب دي ممكن تقيف عائق بالعكس دي فترة انا ممكن اصنع فيها افضل شخصية مني
ولسة كنت اتمنى لو شاهدت الكورس دا زمان وقبل كدا وحتى قبل ادخل الجامعة كان حاجات كتيرة اتغيرت حقيقي الناس سنة اولى جامعة يداب والناس ما امتحنت شهادة لسة اكثر ناس محظوظين انهم شاهدوا الكورس في وقت زي دا ونفسي كان اكون معاهم

السلام عليكم
تجربتي في كورس التفوق الدراسي كانت غير حرفيا انا صراحة من النوع الما بحب ادخل مكان يكون كل الناس بتتكلم عنه بحس الموضوع مجرد تطبيل ومستحيل يكون في شئ بالشكل دا لكن الكورس دا غير افكاري وفتح لي افاق لي تفوق جديد م كنت اتوقعه من نفسي حرفيا والله اكثر شئ ندمانة عليه انه عرفت الكورس دا الان م قبل سنتين تلاتة بالجد كل زول شاف الكورس دا في مرحلة مبكرة حتى اذا كان في الثانوي فمبروووك انت على الطريق الصحيح وقريبا متفوق بدون اي شك 😭😭

يجماعه وصلوني للكورس د أنا محتاجه شديد عليكم الله زول يوقعني فالكورس د

السلام عليكم ورحمة الله وبركاته
يا جماعة عايزة باقي الكارديو في الباثولجي عليكم الله ضروري 😭😭😭💔
باقي شرح ال vasculitis ضروري
يا دكتور عمر جلال يا ريت ترد لي