إحتراف المصطلحات الطبية - Medical terminology
من المهارات المهمة لكل طالب مقبل على دراسة العلوم الطبية أن يحترف المصطلحات الطبية حتى ولو كنت من أصحاب المستوى الجيد في اللغة الانجليزية
- يضيع الكثير من وقت الدراسة في ترجمة المصطلحات وحفظها ويعاني الكثير من الطلاب من عدم كفاية الوقت لمذاكرة دروس اليوم
- ولذلك جمعنا جميع المصطلحات الطبية في هذا الكورس وبعده لن يضيع الوقت في الترجمة ومحاولة فهم معاني الكلمات
- وأيضا جمعنا الكثير من المصطلحات الأنجليزية التي تتكرر في المراجع والمحاضرات مما سيسهل من إستيعابك للدروس
- الكورس قائم على الفهم وربط المعلومات ببعضها البعض مما سيسهل عليك الحفظ وعدم نسيان المصطلحات
- الكورس سيزيد من قدرتك على الاستيعاب وسهولة فهم العبارات والجمل في المحاضرات والمراجع الطبية
- تستطيع الدراسة من المرجع بكل سهولة وفي زمن وجيز بعد الانتهاء من هذا الكورس واتقان المصطلحات الطبية
- الكورس مكون من 15 درساً شرحا مفصلاً مع أمثلة لكل مصطلح وشرح معاني المصطلحات باللغة الانجليزية واللاتينية
- الشرح يعتمد على الرسومات والصور مما سيرسخ المصطلحات اكثر فأكثر
أسئلة شاملة نهاية كل درس سترسخ المصطلحات في ذهنك ويصعب عليك نسيانها مع مناقشة الأسئلة والحلول النموذجية لها
محتويات الكورس:
الكورس مكون من 15 درسا ويقسم درس لشرح محتوى الكورس واهمية المصطلحات و5 دروس لأساسيات المصطلحات وشرح شامل لكل prefixes suffixes roots وتقسيمها الى فئات ليسهل حفظها
دروس الأساسيات:
1. مقدمة الكورس وسنتعرف فيها على ما هو المصطلح الطبي ومما يتكون والاختصارات في المصطلحات الطبية وجمع المصطلحات الطبية
2. نتعرف على اجزاء المصلح الطبي الثلاث وهنا نتعرف على الاختصاصيين واختصاصاتهم والاجراءات الجراحية الاعراض والتشخيص
3. وهنا نتعرف على اللواحق المهمة او prefixesالمستخدمه في الارقام والكميات وايضا الاوضاع والاتجاهات الالوان وعلاقة الPREFIXES مع الCOMBING FORM
4. وهنا سنتحدث عن التشخيص وكل ما يخص التشخيص من فحص وادوات فحص وعلامات حيوية ومصطلحات الفحص والتحاليل التشخيصية وادواتها وتشمل هذه الوحدة ايضا الاشعة
5. وأخيرا ندرس الجسم ويشمل تقسيمات الجسم وتجاويف الجسم وسوائل الجسم
دروس السيستيمات:
نقوم فيها بتقسيم الجسم لـ 9 أجهزة وشرح المصطلحات الخاصة بكل جهازوهي:
1. الجهاز العضلي الهيكلي musculoskeletal
system
2. الجهاز الدوري circulatory system
3. الجهاز التنفسي respiratory system
4. الجهاز الهضمي digestive system
5. الجهاز البولي urinary system
6. الجهاز التناسلي reproductive system
7. الجهاز الغلافي integumentary
system
8. الجهاز العصبي nervous system
9. جهاز الغدد الصماء endocrine system
كل هذا وأكثر في كورس واحد والهدف هو أن تتخلص من إستخدام المترجم وتستطيع معرفة كل المصطلحات اللاتينية بكل سهولة وايضاً الكثير من الجمل والكلمات الأنجليزية وتصبح الدراسة أسهل وأمتع بعد الإنتهاء من هذا الكورس
نموذج لمناقشة الأسئلة في الكورس:
>
نموذج مجاني من الكورس:
د. عمر علي جلال
بكالاريوس الطب والجراحة
– مدرب معتمد من الأكاديمية الكندية للتدريب
– خبرة منذ 2017 في شرح وترجمة المقررات الطبية باللغة العربية
– حاصل على دبلوم في الذاكرة واساليب الحفظ
– درست أكثر من 20 ألف طالب
كورس مهم جدا اتمنى تفاصيل طريقة الاشتراك والدفع
ردحذفاخدته معاك من كنت برلومه م كنت بمشي المحاضرات ودخلته ايام الامتحانات والله العظيم كان كافي ووافي شرح رهيب وسلسل وتفهمه غصب عنك والحمدلله جبت فيه B 💜💜💜جزاك الله الف خير
ردحذفحسيت لغتي الانجليزية اتحسنت كثير ولما نزلت الجامعة رغم اول سمستر لكن الحاجة الوحيدة الما ضيعت زمني والما شلته ليها هم هي الترجمة لأن حاجات كثيرة أنا عرفتها من المصطلحات ومن الامتحانات نهاية فيديو المصطلح وان شاء الله بعد أخلص السمستر حا أكملو عشان أنزل السمستر الثاني وأنا م محتاجة ترجمة ..
ردحذفوالله بجد كل الناس في الدفعة بتشكي من أنو الترجمة بتضيع زمنها لكن الحاجة د م شكلت لي عائق نهائي وكلو بفضل الكورس د والله ربنا يجزيك خير ويوفقك محل ما تقبل
انا درست مصطلحات قبل كدا في الجامعة وفي اليوتيوب برضو ..بس كان في مشكلة انو انا ما بحب اقرا الحاجة لمن تكون ساي ..يعني ما عندها عنوان او كلمة ما عندها حاجة تعرفها لي دي تبع شنو ..ففي الكورس الدكتور موضح كل شئ ومفصله بعناوين جانية واحلي حاجة انو بوريك الحاجات الحاتدرسها برضو ..فحقيقي سهل لي الفهم جدا والموضوع بقي أسهل +شرح الدكتور في حد زاته ممتاز وفي بعض الأحيان بدي معلومات جانبية ومهمة شديد والتمارين البتكون نهاية الدرس ممتازة حرفيا بتخليني اعرف انا فهمت وحفظت بنسة كم والدكتور بوضح المطلوب من السؤال وكيف الحل .فجد الكورس ممتاز ..وجزاك الله عنا كل الخير يارب💜
ردحذفانا قريت مصطلحات قبل كدا لكن في الجامعة
ردحذففرق شاسع بين الكورس والقريته في الجامعة،،انا في الكورس ده إتعلمت ربط الكلمات مع بعض وتحليلها
يعني المصطلحات الطبية بقت لي أقرب لإنها مسألة بمعطياتها وقانون واحلها من إنو أحفظها وأنساها
في الجامعة متبعين طريقة أحفظ وأمشي لكن ما كنا عارفين نحنا بنحفظ في شنو 🤷🏻♀️
الجميل في الكورس كمية المعلومات الكسبتها من الكورس يعني طلعت من الخمس دروس بس بي ذخيرة لغوية اعتمد بها في الدراسة ومذاكرة في اقل زمن وجيز وطرق الإستنتاج والتحليل
مع انه كويس مصطلحات بس ما شاء الله من خلاله ممكن تفهم اي حاجه في الطب تاني شكرا يا دكتور على مجهودك و إن شاء الله في ميزان حسناتك
ردحذفنعم أعجبني
ردحذف
ردحذفالسلام عليكم ورحمة الله وبركاته،
أود أن أعبر لكم عن جزيل شكري وامتناني لما قدمتموه لي خلال الكورس الخاص بالمصطلحات الطبية. لقد كانت تجربتي معكم أكثر من رائعة، واستفدت كثيرًا من طريقتكم المميزة في الشرح والتوضيح.
المعلومات التي قدمتموها أثرت معرفتي وساعدتني على بناء أساس قوي،. لمست فيكم الحرص على إيصال المعلومة بكل إخلاص واهتمام، وهذا أمر أقدره كثيرًا.
أسأل الله أن يبارك لكم في علمكم
وعملكم ويجزيكم خير الجزاء
السلام عليكم ورحمة الله وبركاته
ردحذفاولا حابه اشكر دكتور عمر وكل التيم العامل في مؤسسة فكره الطبيه 🥰 لانو بيقومو بمجهود كبير علشانا 🥹
بالجد كورساتهم حلواااا شديد وفيها تقريبا كل مايحتاجه كل طالب مقبل علي الجامعه او في الجامعه .
ومن اجمل الكورسات هو كورس التفوق الدراسي 🤤 لانو
اولا مافيهو حفظ 😂
وثانيا لانو هو الأساس لانو بوريك كيف تتخلي عن العادات السيئه وكيف تبني عادات كويسه، وكيف تنظم وقتك،وكيف تقرااا من الشيت و المرجع ، وكيف تلخص، وحتي بوريك كيف تعمل بزنس 😍طبيعي مهما كان الشخص وضعو المادي بيحب يكون عندو دخل ولو بسيط يقدر علي الاقل يدخل بيه كورسات وغيرو، فدكتور عمر بوريك امثله لحاجات ممكن تطلع منها دخل، والاحلاااا من كدااا انك بتكون منظم وقتك فبتقدر غير انك تقراااا، ممكن تشتغل ، تمارس هوياتك، تعمل رياضه وغيروااا...
وكمان ارجع لموضوع التلخيص لانو مهم شديد لانو انت مش بتقراا وبتلخص للامتحان وبس لا بعد ماتتخرج برضو بتحتاج لكل الدرستو في الجامعه والحاجه الحلوه دكتور عمر بوريك كيف تختصر المنهج او الماده كلها في صفحه بتقدر😍فلما تحتاج ليها في السنوات الاخيره من الجامعه او بعد التخرج مابتحتاج انو او مابتقدر ترجع وتقرااا الماده كلها فلما تكون ملخص الماده كلها في صفحه بتقدر ترجع ليها بكل سهوله لانو بتكون ملخص بس الحاجات المهمه 🤤وكمان بوريك حاجات بتتعمل بعد التخرج ممكن تعملها قبل تتخرج وتوفر عليك تعب بعدين، وحاجات كتيره يمكن تكون أول مره تعرفها 🥲ويمكن شخص يقول او انا كان في ناس بتقول لي انو في كورسات برضو مفيده ومجان كمان، هو يمكن في حاجات زي كدااا ويمكن تكون مفيده ، بس مستحيل تكون كلها في مكان واحد وتكون مرتبه ومنظمه ذي الكورسات دي، + في ناس كتيره بتتكلم في المواضيع دي وكل زول بيقول حاجه برااا وانت بضيع ومابتعرف تسمع من دااا ولا داا 😖وانا جربت الحاجه دي 😫
وكمان موضوع العادات السيئه كيف تتخلص منها وكيف تبني عادات كويسه، بوريك انو الكلام دااا مابيجي بين يوم وليله لازم بعد فتره شويه شويه الي ان تتعود ، عكس الناس البتقول ليك ممكن تتعود خلال فتره ومابيحصل الكلام دااا وبتحس باحباط وان مابتقدر 😥 وكمان اطرق لمواضيع مهمه شديد ذي بعض العادات السيئه وكيف تتخلص منها وان شاءالله يارب في ميزان حسناتو 🤲🏻
فممكن اقول انو الكورس دااا بينفع لكل شخص يعني للشخص المشتتت وماعارف يقرااا كيف ومن وين 😢والشخص العندو مشكله مع الانجلش، وكمان للشخص البقراا كويس وحاسس انو منظم وقتو لانو حيلاقي انو في حاجات كتيره بعملها غلط وفي حاجات كتيره فايته عليه، يعني كل شخص ممكن يستفيد منو 🙃
وكمان كورس المصطلحات الطبيه حلوااا شديد ، بوريك شنو مصطح طبي وجاي من يوم ، وبيقسم ليك المصطلح بصوره حلوااا ومبسوطه فبتقدر تفهمو وتحفظو والكلام يطول فيه وان شاءالله لما تدخلو حتعرفو اكتر واكتر ...
واسفه على الاطاله 🫥 بس كان لازم ازكر المواضيع دي لانو انا اتشجعت واتحفزت اني ادخل الكورسات من التعليقات الكنت بشوفها من الناس الدخلت وواستفادت والحمد لله دخلت واستفت 🥹🥰
واخيرا حابه اشكر الشخص الاضافني في القروب لانو بالجد استفت شديد 🥰 وكمان كل تيم فكره الطبيه وجزاهم الله عنا خير الجزاء 🤲🏻