السلام عليكم ورحمه الله وبركاته
بالجد دكتور وعمر وباقي التيم ماقصروا نهائي عمري ما اتوقعت انو اقراء ٣ جابراترات في ٤ ايام وهم بالخدمة دي الشرح كان رهيب شديد ومفصل وبوصل المعلومة بي سرعة جزاك الله خير الجزاء لي سنتين معاكم ولسة مستمرة وربنا يحقق احلامكم ويوصلهم للقمة 💜💜

شكرا جزيلا يا دكتور على إجتهادك في تسهل وتبسيط المعلومات شرح كافي ووافي لكل النقاط وبطريقة سلسة والمفاهيم واضحة سهلت علينا كتير يا دكتور ووفرت علينا مجهود ووقت شرح بإخلاص

فكرة المعسكر كويسة جدا اتعلمت منها كتير واستفدت شديد يادوب بقيت فاهمة في الفسيولوجي كان فايت علي كتير وحسيت يادوب اني بقرا طب ربنا يديك العافية ويجزيك كل خير واتعلمنا منك كيف نضغط نفسنا في زمن وجيز ونجتهد جزيت الجنة

السلام عليكم ورحمة الله وبركاته

مؤسسة فكرة الطبية هي الخيار جزاكم الله خيرًا وبارك في جهودكم ونفع بكم

بالجد كورس الكارديولوجي كان نقلة نوعية في فهمي لأمراض القلب.
الطرح المبسط للمعلومات المعقدة ساعدني أميز بين الحالات بسهولة.
كل محاضرة كانت تضيف قيمة حقيقية وتوضح المفاهيم بشكل عميق.
ربط المعلومات النظريّة بالتطبيق السريري أعطى الكورس بُعد عملي ممتاز.
شكرًا من القلب على محتوى يستحق فعلاً كل دقيقة من المتابعة.

سلام عليكم ورحمة الله وبركاته بالنسبة لي كورس الكارديو كورس مفيد شديد والشرح ظابط ومختصر ومفيد وفيه كل المعلومات المهمة واحسن حاجة بختصر ليك الزمن
يعني لو امتحاناتك قربت افضل خيار دكتور عمر
بالجد دي مافي دكتور عملة تلاتة كورسات في اربعة يوم
ربنا يوفقك ويساعدك علي عمل الخير
في ميزان حسناتك ي رب

المعسكر (كارديو وريسبايروتري وجي اي تي) رهيب شديد والله حاجة خرافة الدفعة دي😍

أحلى حاجة عجبتني فكرة الملخص في المعسكر والله إختصرت علي مشوار وزمن كتييييير🥺 ما بتصدق انا كنت بضيع زمن قدر كيف في التلخيص😭 ياخ انا ممكن اخد ضعف زمن الفهم في التلخيص بس😔 لكن بطريقتك المبدعة في التلخيص على شكل سؤال وجواب دي كبستني مهارات جديدة :

١.كسبت زمني

٢. إختصرت التلخيص وبي فهم عميق يعني ما إختصار وكلفته❤️

٣. أحلى حاجة وسعت مدارك وطريقة تفكيري إكتسبت مهارات التحليل والإستنتاج والربط❤️

😁 بالجد إنت قدمت لنا الكورس في طبق من دهب ما علينا الا نآكل منه 👌❤️ الما بتفوق بعد المعسكر بس فاقد للجدية لأنه ما ح يتعب نهائي زي تعبه لمن يقرأ من محاضرات الجامعة😅